शिवपुरी नागार्जुन राष्ट्रिय निकुञ्जमा बर्षा ऋतुको समयमा चरा सर्वेक्षण आजबाट शुरु भएको छ ।
राष्ट्रिय निकुञ्ज कार्यालय, नेपाल पंछीबिद संघ र अधिकार सम्पन्न बागमती सभ्यता एकिकृत बिकास समितिको संयुक्त आयोजनामा गरिएको यो सर्वेक्षण निकुञ्ज भित्रका सबै क्षेत्रहरु समिटिने गरि आगामी ११ दिन सम्म चल्नेछ ।
चराहरुको विवरण अद्याबधिक गर्ने क्रममा नेपाल पंछीबिद संघका चराविज्ञहरु मनशान्त घिमिरे र संजीव आचार्य एवं पर्यटन तथा वन्यजन्तु फोटोग्राफर पेम्बा शेर्पाको सर्वेक्षण टोलीमा प्रमुख संरक्षण अधिकृत एवं पंछीबिद लक्ष्मण प्रसाद पौड्याल तथा कर्मचारीहरु समेत सहभागि भएको निकुञ्जका सुचना अधिकृत अरविन्द यादबले जानकारी दिए ।
स्मरणीय छ यस अघि हिउँदेयाम मा गरिएको सर्वेक्षणमा निकुञ्ज भित्र १९६ प्रजातिका चराहरुको अभिलेख गरिएको थियो ।
